(mot e son de Primaël Montgauzí)
Las parets de la cramba
Doçament se hèn lonh
Com un raubaire un rai de jorn
Veng raubar le miu sòm
Au hons deu pati l’auba
canta a plen de cap
Sense pas cap atencion au jas
D’ua hadeta que dròm
Ensagi de caçar l’aucèth
Le disi de deixar la nèit
Ensagi de caçar l’aucèth
Dèixa la lua dins le cèu
Mès ara veng, mès ara veng
Ai l’auba qué tan tòst veng
De tira veng, de tira veng
Ai l’auba qué tan tòst veng
Au hum d’un cafè negre
S’enairan les sauneis
Le vent gelós veng levar dins le leit
un linçòu mut e triste
Ja me venguen les sovénguers
sus la flècha deu lum
ai me dòlen quan damòra le crum
d’ua hadeta hugida
Ensagi de…
Saunejèi d’ua hèsta
On dançavan ensems
E le jorn e le nèit tot dos jausencs
D’aver tant léser de viver
Sabes tu que sus tèrra
Le matin es tant doç
Se le trabalh hè l’uman ditz-me doncs
Perqué hè l’uman tant triste
Ensagi de…
Primaël 